Кинеската фармацевтска индустрија со вештачка интелигенција за побрзи и побезбедни испитувања и производство на лекови. Според новите податоци покажуваат дека иновативната фармацевтска индустрија во Кина експоненцијално расте во првата половина од 2025 година, во голема мера благодарение на вештачката интелигенција што помага во испитувањата и тестирањето.
Досега оваа година, Националната администрација за медицински производи одобри 43 иновативни лекови за пуштање на пазарот, што е зголемување од 59 проценти во однос на истиот период минатата година, при што лековите развиени на домашно ниво сочинуваат 93 проценти од оние што се пуштени.
Во клучни области како што се скрининг на антитела, молекуларен дизајн, екстракција на податоци и интерпретација, вештачката интелигенција значително ги скратува циклусите на истражување и развој и ги подобрува стапките на успех. Вработен во една биомедицинска фирма во Суџоу вели дека работат на лекови за лекување на рак, автоимуни и метаболички заболувања и нарушувања поврзани со очите.
„Во процесот на развој на нови лекови, опширно применивме вештачка интелигенција низ целиот процес на истражување и развој – од екстракција и анализа на податоци до тестирање на биомаркери и толкување на податоци. Вештачката интелигенција игра клучна улога. Исто така, инвестиравме повеќе во човечки ресурси и нови технолошки платформи“ изјави Ќиан Леи, главен директор за истражување и развој, Иновент Биологистикс.
Дополнително, кинеските фармацевтски компании прават пробиви во капацитетот за производство на лекови. Контролата на квалитетот во реално време и флексибилните можности за производство обезбедуваат двојни гаранции за лековите, овозможувајќи повеќе да се произведуваат со повисок квалитет.
„Воспоставивме автоматизиран систем за контрола и целосно интелигентна производствена линија, интегрирајќи илјадници сензори и актуатори со висока прецизност, зголемувајќи ја ефикасноста на производството за над 50 проценти во споредба со традиционалните линии. Нашите кодирани транспортни контејнери и системи за следење на температурата обезбедуваат стабилен квалитет од фабрика до пациент“ изјави Јин Зејанг, виш потпретседател за производство, Иновент Биологистикс.
Според податоците објавени од Министерството за индустрија и информатичка технологија, вредноста на кинескиот пазар на лекови минатата година вредеше повеќе од 13 милијарди американски долари.