Брачна двојка од американската сомјузна држава Охајо доби син од ембрион што бил замрзнат повеќе од 30 години, што се смета за нов светски рекорд во областа на вонтелесно оплодување (ИВФ). Зафатот бил извршен во клиниката „Риџојс Фертилити“ во Тенеси од каде велат дека ги вградуваат сите ембриони што ќе ги добијат, без оглед на староста.
Линдзи (35) и Тим Пирс (34) станаа родители на Тадеус Даниел Пирс, а семејството го опиша настанот како „нешто од научнофантастичен филм“.
„Не се обидувавме да собориме рекорд, само сакавме да имаме дете“, изјави Линдзи.
Ембрионот бил формиран во 1994 година, кога Линда Арчерд (62) со тогашниот нејзин сопруг минале низ ИВФ постапка. Од четирите ембриони, еден бил искористен за раѓање на нивната ќерка, а останатите три ги замрзнале.
Претходниот рекорд го држеа близнаци родени во 2022 година од замрзнати ембриони во 1992 година, пренесува „Би-Би-Си“.