Од полициските редови, досега има само 7 осомничени за дела поврзани со кабарето во Пулс, а никој од началниците кои биле на функција кога се случи пожарот досега не е осомничен за пропустите.
Во вечерашното издание КОД открива дека во полициските архиви уште во ноември 2022-ра е доставена проблемска информација за инцидентите, кривичните дела и прекршоците кои се поврзани со кобното кабаре Пулс.
Во таа полициска проблемска информација имало и предлог да се одземе лиценцата на кабарето- но 5 месеци подоцна повторно е издадена.
Во КОД и за економско-даночните операции на сопственикот на кабарето Пулс, како и за странските несреќи и пожари слични на кочанската трагедија и кои се нивните искуства со отстранување на државните и општествените пропусти кои водат до многу невини жртви. КОД е во редовниот термин по вечерните вести.