Европската инвестициска банка даде зелено светло кумановската компанијата Рапид Билд да го гради гасниот интерконектор кон Грција. Ова за Телма го потврдија од Министерството за енергетика. Пред неколку дена преку писмо од банката ги известила надлежните во земјава дека може да се потпише договорот за да почне реализацијата.
Вкупната инвестиција е околу 60 милиони евра. Интерконекторот од грчка страна е речиси готов. Тој е со должина од 123 километри, а македонскиот дел 67 километри и е од Гевгелија до Неготино. Ваквото поврзување со јужниот сосед треба да обезбеди гас од повеќе извори. Во моментов прекуграничната врска е само преку Бугарија.
Претходно се зборуваше дека ова ни е последна шанса да го реализираме проектот, во спротивно грчката страна од нас има право да бара оштета, колку што е нивната инвестиција од грчка страна.