Во Народниот театар – Штип вo петок, на 13 декември, во 20 часот, премиерно ќе биде изведена театарската претстава „Стан 54“ чиј автор е Никола Кузелов, а во колективна режија, информираа денеска од Народниот театар – Штип.
Кузелов вели дека станува збор за научно-фантастична трагедија во која се разработуват предизвиците со кои се соочува современиот човек, вештачката интелигенција, но и како таа влијае за луѓето помеѓу себе да се оттуѓат и отфрлат.
Дејството на претставата се случува во стан со реден број 54. Освен брачниот пар кој живее во станот, силното невреме ќе ги затече сосетката и продавачот кои случајно се нашле таму. Тогаш сите заедно одлучуват да живеат таму и да глумат семејство. Во претставата играат: Никола Кузелов, Ања Митиќ, Нела Павловска, Виктор Велевски, драматург е Весна Куслеска.
Проектот е финансиски поддржан од Министерството за култура и туризам.
