Младата кошаркарска репрезентација на Македонија синоќа запиша огромен пораз од 93-38 од Шпанија на стартот на Европското првенство под 20 години што се одржува во Гдиња, Полска. Вечерва избраниците на селекторот Боро Смилковски имаат задача да го поправат впечатокот против Турција.
Македонските кошаркари синоќа немаа никакви шанса му парираат на неколку класи подобриот ривал, кој важи и за еден од фаворитите за висок пласман. Вечерва од 20:30 часот, младинците имаат шанса за поправен против Турција, која исто така стартуваше со пораз на турнирот. Вчера оваа репрезентација загуби од Белгија со минимални 62-64.
Во рамки на третото коло во групата Ц, нашите кошаркари во понеделник ќе ги одмерат силите и со Белгија со почеток од 18:30 часот. Во следната фаза вкрстуваме со селекциите на Црна Гора, Литванија, Исланд и Словенија од групата Д.
Примарната цел на Македонија на ова Европско првенство е да ги избегне последните две позиции кои водат во Б-дивизијата.
