Од ЕВН за Телма велат дека имаат склучено договор со АД Пошта и ако не се доставуваат сметките тие имаат право да не им платат за услугата. Ги советуваат граѓаните да ги користат електронските услуги на компанијата, односно преку интернет да ги плаќаат фактурите.
Напоменуваат дека според законите, ако потрошувачот не ја добие фактурата, тој треба да ја побара сметката или преку кол-центрите или преку онлајн платформата или да поминат во најблискиот кориснички центар.
Од ЕСМ Снабдување, пак, велат дека нивните фактури за топлинска енергија во хартиена форма не ги испорачува пошта туку тие имаат нивни вработени кои го прават тоа.
Напоменуваат дека доколку потрошувачот од која било причина не добие фактура за топлинска енергија, согласно легислативата е должен истата да ја побара од Снабдувачот.
Потрошувачите имаат можност да побараат копија од фактурата во било кој пункт на потрошувачи како и преку електронска пошта.
ЕСМ Снабдување има договор со АД Пошта, за достава на пратки до 50 грама кои се однесуваат на писмена комуникација со потрошувачите, но за сите прашања и барања потрошувачите можат да се обратат во до Центарот за грижа за потрошувачи на телефонските броеви (02) 3076 200 и 075400100. Кога има потреба, доставата на овој вид на пратки го врши нашата доставна служба.