ЕСМ набавува 500 илјади тони јаглен за потребите на РЕК Битола. Ова се првите договорени количини од повикот со кој се бараа 1,4 милиони тони јаглен за најголемиот производител на струја во земјава.
Ги прашавме во ЕСМ, колку фирми се јавиле на повикот, кој ќе го испорачиува јагленот и колку чини, но одговори од државните електрани нема. Иако, ваквите податоци би требало да се соопштуваат.
Во повикот кој се објави минатиот месец, се бараат над двојно повеќе од досегашните потреби на РЕК Битола. Поточно 1.390.720 тони јаглен.
Но, колку од количината ќе биде набавена ќе зависи од квалитетот на јагленот и од средствата предвидено за оваа набавка. Така стои во документот.
Во моментов производствената цена на струја на РЕК Битола за кого се набавува јагленот е повисока од берзанската. Мегават час од централата чини околу 110 евра, на ЕСМ е нешто пониска, а берзанската е околу 70 евра. И покрај тоа што во моментов е поскапо да се произведе, сепак се прави напор освен едниот блок кој сега работи, од следната недела во функција да се стави уште еден.
Според, вицепремиерот Битиќи иако нема економска исплатливост, државата мора да осигура минимум производство до домашни капацитети бидејќи берзата не е предвидлива за да може ЕСМ да се потпре исклучиво на набавка на струја во моментов.
Ирена Чачкова