Барселона активно бара тренер, кој ќе седне на жешката клупа следната сезона. Чави најави дека по завршувањето на актуелната натпреварувачка година ќе си замине од позицијата. Претседателот Жоан Лапорта инсистира следен тренер на Каталонците да биде Ханси Флик.
Германецот во минатото со успех го водеше Баерн Минхен, но не се прослави како селектор на Германија. Тој моментално е слободен, па би бил добра опција за следен тренер. Сепак, во шпанските медиуми се споменуваат и неколку други имиња како потенцијални кандидати за клупата на Барселона, а тоа се Јирген Клоп и Серџо Консеисао од Порто.