Телма дознава дека меѓу неколкумината приведени е и поранешниот директор на Онкологија, Нино Васев.
Се вршат претреси кај осум лица опфатени со истрагата за случајот „Онкологија“ по наредба на јавното обвинителство, потврдија за Телма извори од ОЈО.
Полициски екипи вршат претреси како на Клиниката за Онкологија во Скопје, така и на други локации, на лица за кои постои сомнеж дека се поврзани со случајот „Онкологија“.
Претреси имаше и пред неколку месеци, по што обвинителството отвори предистражна постапка.
Како што дознава Телма три лица се избегани во странство додека траела предистрагата.
Универзитетската Клиника за онкологија и радиотерапија функционира нормално. Во моментов течат редовни прегледи, се дава континуирано терапија и третмани за пациентите, информираат од Министерството за здравство.
Случајот „Онкологија“ се однесува на истрагата за кражбата на цитостатици и нивна злоупотреба.
Случај „Онкологија“: Претреси кај осум лица, тројца избегале во странство