Крвничкото претепување на вработен во Техномаркет се случило во септември – МВР соопшти дека насилниците се уапсени и апелираше да не се шират лажни вести

Видеото на кое две лица крвнички претепуваат вработен во Техномаркет е инцидент од пред повеќе од еден месец. Откако дел од медиумите почнаа да го пренесуваат како денешна вест, МВР  преку соопштение информираше дека инцидентот се случил во септември а насилниците се веќе приведени.И двајцата го признале делото и заработиле кривична пријава. Им бил определен и домашен притвор.

,,Имено, по преземени мерки и активности, полициски службеници од Единицата за насилен криминал при СВР Скопје на 25.09.2023 ги лишиле од слобода Ф.В.(25) и А.Ф.(33), двајцата од Скопје поради основано сомнение дека на 20.09.2023 во продажен објект кај арената „Тоше Проески“ физички го нападнале вработениот А.В. од Скопје.” – стои во полициското соопштение.