Граѓаните добија гаранции за поефтин зеленчук и овошје од денеска, а трговците порака од ресорниот министер Крешпник Бектеши да го намалат извозот на овие артикли кои се произведени со маката на домашните производители и субвенциите од државата.
Во спротивно Бектеши се закани дека ќе ги намали давачките за увоз и ќе им создаде конкуренција во корист на купувачите. Ставот на Бектеши доаѓа откако анализите покажале дека цената кај земјоделците не е скокната, а препродавачите откупувале по багателни цени и ги хранеле пазарите од регионот.
Офанзивата купи дома- продај во странство е засиелна од јули. Па заради енормните ставки за увоз, домашните тргоци со овошје и зеленчук царуваат со овие артикли, и ако не ги извезуваат тогаш ги нудат по огромни маржи во домшната продажна мрежа.
Од стопанската комора без дополнителни објаснувања, но со истата порака до владата, да престане да носи мерки на своја рака и да се пресметува со бизнисот.
Откако владата синоќа дозволи гарантирани пониски цени и за пијалоците, се поголем број домашни компании за безалкохолни пијалоци се понудиле самостојно да понудат 10 отсто пониски цени за и тие да ја добијат црвената ознака на рафтовите во маркетите.
Павле Беловски