Со ребалансот на буџетот кој е во собраниска процедура, нема да се кратат средствата за филмска дејност, туку ќе има прераспределба на парите и исплати, согласно склучениот договор со Агенцијата за филм.
Ваков одговор добил директорот на Агенцијата за филм во телефонски разговор со министерката за култура, по вчерашната писмена реакција на филмските работници дека ќе се кратат средствата за филмска дејност со ребалансот.
Директорот на Агенцијата Лазаревски, за Телма изјави дека и тие минатата недела од Секторот за финансии при Министерството за култура добиле најава за кратење на буџетот за 10 милиони денари, и прашање дали за тоа веќе го добиле анексот на договорот за реализација на буџетот, кој на годишно ниво го потпишуваат со ресорот култура. Но, вели до сега немаат официјална информација за начинот како ќе се распределуваат средствата.
