Италијанскиот пејач, музичар и текстописец Тото Кутуњо почина денеска во 80-та година од животот. Кутуњо, како што пренесуваат италијанските медиуми, почина во болница во Милано, каде беше хоспитализиран во изминатите месеци поради влошена здравствена состојба. Веста за смртта на музичарот ја потврди и неговиот менаџер.
Кутуњо започна самостојна музичка кариера во 1976 година. Музиката беше негова љубов повеќе децении во кои постигна и бројни успеси. Победи на бројни натпреварувања и фестивали ширум Италија, а победи и на Евровизија во Загреб во 1990 година со песната „Инсиеме“.