Со изведба на македонските евергрин композици во паркот „Ибни Пајко„ настап на Здружението на Џез музичари, Драган Мијалковски, Џон Илија Апелгрин, Светлана Јовановска и Андријана Јаневска и официјално започна дводневниот проект „Скопје во пет и седумнаесет“, во рамките на одбележувањето на 60-годишнината од катастрофалниот земјотрес што го погоди Скопје.
Со низа културни настани на повеќе локации во градот: во Музејот на современа уметност, во Музејот на град Скопје, во Кинотеката на Македонија, во Културно-информативниот центар и денес продолжува проектот „Скопје во пет и седумнаесет“.
-За жал многу луѓе ги загубиле животите тоа кобно утро, но има и голем број кои останале живи и потоа се случи една вистинска солидарност од цел свет нешто што во ова време се заборава што значи да се биде човек и да се биде солидарен. Не смееме да го заборавиме тоа, не смееме да заборавиме дека сме многу мали и дека може за една секунда да не снема од оваа планета, така што јас посакувам сите да се почитуваме и да се сакаме повеќе дека животот навистина може да биде ништо- изјави Џијан Емин, диригент.
