Постапките за организација на генерален штрајк се во тек , вели Васе Недановски, претседател на претседател на Синдикалната организација на УЈП. Тој во вечерашната Топ Тема, вели дека за нив не претставува проблем тоа што се зголемени платите на врабтените во Министерството за финансии, туку тие се убедени дека според член 66 со законот за буџети и дополнително автентичото толкување донесено од Собранието поврзано со истиот член ги опфаќа и нив како институција.
- Вработените требаше да го добијат тоа покачување затоа што според колективниот договор нема дел во членот кој вели да бидеме изземени. Во управата за јавни приходи одредени вработени со статус државни службеници земаат плата со покачување од 30%, но според новиот закон на УЈП тоа нема да може така, вели Недановски.
За брзо време според новиот закон на УЈП тие ќе се стекнат со статус даночни службеници и на нив ќе треба да им се намалат платите за 30% и дополнително 2.147 денари да им бидат одземени од платите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.