За десетина дена истекува мерката со која се ограничија маржите за одредени производи. Дел од експертите сметаат – ваквата одлука не треба да продолжи. Нивните проценки се дека мерката во најтешкиот период не дала некои значајни резулати. Сега, состојбите на глобално ниво полека се стабилираат, затоа ограничувањата треба да се повлечат и да се остават пазарите самите да ги диктираат цените.
„Мерките не дадоа некој значајни резулати на против имаше ситуација кога се укинаа некој мерката за маслото на пример, тогаш неговата цена се намали. После 30 јуни мислам дека не треба да се продолжи со маржите. Влегуваме во една ситуација на некое урамнотежување на пазарите и да ги оставиме слободно да ги диктираат цените, а ние треба да работиме на инвестиции во наши производи за понатаму да не ги чувствуваме последиците од ваквите кризи“, вели за Телма професорот Абил Бауш.
Според Бауш, благото намалувањето на инфлацијата не е резултат на мерките, туку поради глобалните случувања.
„Иако, инфлацијата е намалена тоа е затоа што се намалени цените на енергенсите и поради стабилизација на глобалните пазари. Мене ме загрижува тоа што ние не ја достигнуваме стапката во европските земји, но и на некој држави околу нас со исклучок на Унгарија“, додава Бауш.
Ограничените маржи на основните производи важат до 30 јуни. Дали мерката ќе се продолжи или не, треба Владата да пресече. Оваа мерка се воведе за да се влијае на растот на цените, а со тоа и на инфлацијата.
Според последните податоци на статистика, таа во мај, во споредба со мај лани, е зголемена за 11,3 отсто. Владините очекувања се во јуни да падне под 10 проценти. Освен ограничени маржи, претходно се донесоа и други мерки како превенција за растот на цените, но некои трговци одлучија да ги заобиколат, а пазарните инспектори при контролите утврдија низа неправилнсоти во нивната примена.
Ирена Чачкова