Милан на стартот на летниот преоден рок се подготвува да промовира две нови засилувања за идната сезона. Првиот фудбалер е Даичи Камада, кој треба да потпише договор како слободен агент од Ајнтрахт Франкфурт. Второто летно засилување ќе биде голманот Марко Спортиело од Аталанта.
Камада е на „радарот“ на „росонерите“ веќе подолго време и ќе биде идеално засилување за тренерот Стефано Пиоли, бидејќи игра на неколку позиции во среднот ред, но може да помогне и во нападот. Има 27 години, а изминатата сезона постигна девет голови и шест асистенции на 31 натпревар во Бундеслигата.
Спортиело доаѓа да биде резервен голман во Милан, како подршка за Мајк Мењон, кој е неприкосновен број 1. Искусниот чувар на мрежата ги договори условите со Милан уште во месец февруари годинава и ќе пристигне на „Сан Сиро“ како слободен агент исто како и Камада.