Во шпанските медиуми се појавија шпекулации дека Жил Кунде побарал да си замине од Барселона ова лето, бидејќи не е среќен. Наводно, Французинот не сака да игра на десната бековска позиција, односно сака да биде централен стопер.
Тренерот Чави вели дека разговарал со Кунде и дека нема никакви проблеми и фудбалерот бил среќен. Челси е подготвен веднаш да потроши богатство за дефанзивецот и наводно ќе понуди 80 милиони евра обештетување.
Барселона би заработила добро на Французинот, ако се знае дека го доведе минатото лето од Севилја за 50 милиони евра.