Кривична пријава од град Скопје и општина Карпош против непознат сторител поради уништување на јавен имот и саботажа, откако на т.н „Железнички Мост“ во општина Карпош на булеварот Васил Чакаларов во текот на вечерта биле исечени и оштетени електрични и комуникациски кабли.
„Не сакаме да веруваме дека станува збор за намерна саботажа предизвикана од политичка агенда, но, ако судиме по реакциите на политичките партии кои го политизираа и пожарот на мостот „Беласица“ со шпекулации и предизвикување општа несигурност и паника кај граѓаните, заклучокот е загрижувачки“ – се вели во соопштението од град Скопје.
Истовремено, се испраќа апел до сите институции да ги превземат сите неопходни мерки, како што се вели, за да се спречи ваквата појава, но и до сите политички чинители да не поттикнуваат вакво однесување.