Ракометарките на Куманово по трет пат во историјата успеаа да го освојат пехарот во Купот на Македонија.
Во неизвесен натпревар Кумановки забележаа победа над Вардар со 32:31 и по во третиот настап во финалето успеаа да стигнат до третиот трофеј во клупската историја.
Куманово беше во водство во текот на скоро целиот натпревар и на моменти имаше предност од пет погодоци, но Вардар успеа да се врати во мечот и во еден момент со серија од 6:0 успеаа да стигнат до водство од 20:19.
Сепак во продолжението Куманово повторно го презема водството и стигна до предност од 29:26.
На 40 секунди пред крајот на мечот двата тима влегоа израмнети, а резултатот беше 31:31
Сепак на осум секунди пред крајот на натпреварот Куманово успеа да постигне погодок за победа.
Најефикасна на теренот со 11 гола беше Бразилката во редовите на Куманово, Андреза на спротивната страна Стефановска десет пати се запиша во листата на стрелците.