Членот на кошаркарската репрезентација на Македонија, Ти Џеј Шортс го доби признанието за мајкорисен играч во годинешното издание од Лигата на шампионите.
Признанието му е доделено само еден ден од тој го предводеше тимот на Бон во триумфот над домаќинот на завршниот турнир Уникаха и обезбеди пласман во финалето каде за трофејот ќе се бори против Хапоел Ерусалим кој е предводен од поранешниот македонски селектор Александар Џикиќ.
Македонскиот репрезентативец во текот на сезонава имаше просек од 18,9 поени и 7,1 асистенции по натпревар.
Ова е второ големо признание за Шортс кој претходно е прогласен за МВП и во првенството на Германија.
Македонскиот репрезентативец е дел и од идеалната петорка во Лигата на шампионите каде се најдоа уште Марселињо Уертас (Тенерифе), Дарио Бризуела (Уникаха), Аки Мичел (АЕК) и Зак Хенкинс (Хапоел)
ФОТО: ФИБА