По триумфот над бранителот на треофејот Голден Стејт со 122:101, Лос Анџелес Лејкерс обезбеди пласман во финалето од разигрувањето за титулата во Западната конференција.
ЛеБрон Џејмс мечот го заврши со 30 поени, девет скока и девет асистенции, Остин Дејвис додаде 23 поени и шест асистенции, Д’Анџело Расел беше стрелец на 19 поени додека Ентони Дејвис впиша 17 поени и 20 освоени топки под обрачите.
Во редовите на сега веќе поранешниот НБА првак, Стефон Кари имаше 32 поени и шест скока, а Донте ДеВинченцо постигна 16 поени.
Далеку понеизвесно беше во дуелот меѓу Мајами и Њујорк во кој домаќинот славеше со 96:92 и со вкупен резултат 4:2 се пласираше во финалето на Истокот.
Џими Батлер имаше учинок од 24 поени и осум скока, Бам Адебајо стигна до 23 поени и девет освоени топки под обрачите, а Макс Струс забележа 14 поени и шест скока.
На спротивната страна Џејлен Брансон беше стрелец на 41 поени, додека Џулиус Рендл имаше 15 поени и 11 скока.
Утре ќе биде познат и вториот финалист на Истокот, а на програмата е седмиот решавачки натпревар во кој Бостон е домаќин на Филаделфија.