Јулијан Нагелсман и Тотнем ги прекинаа преговорите за менаџерската позиција. Германецот нема да седне на клупата во Лондон, бидејќи премиерлигашот наводно смета дека тој моментално не е вистинскиот избор.
Нагелсман претходно се споменуваше и за можен менаџер на Челси, но и тоа не се случи. Младиот стратег во март изненадувачки беше отпуштен од Баерн Минхен, наводно поради несогласуваања со управата на клубот и со дел од играчите.
Тотнем има неколку кандидати за нов менаџер, а меѓу нив е поранешниот шпански селектор Луис Енрике.