Менаџерот на Манчестер Јунајтед, Ерик Тен Хаг во текот на летниот преоден можеби ќе биде принуден да бара решение и за голманската позиција со оглед на фактот дека Давид Де Хеа на крајот од сезоната ќе има статус на слободен играч.
Шпанскиот интернационалец се уште не решил дали да ја продолжи соработката со Црвените ѓаволи и се очекува дека тој во текот на летото ќе ја смени средината.
Во Манчестер Јунајтед имаат повеќе варијанти за прв избор на голманската позиција, а како најсериозен кандидат за преселба на Олд Трафорд се смета репрезентативецот на Англија, Џордан Пикфорд.
Дваесет и девет годишниот Пикфорд со Евертон има договор до 2024 година и во Јунајтед сметаат дека клубот од Ливерпул нема да бара големо обештетување за предвремен раскин на соработката.
ФОТО: Игор Паневски