По неколку месечни преговори донесена е конечна одлука каде ќе се одигра финалето на Купот на Грција.
Фудбалската федерација имаше идеја мечот меѓу ПАОК и АЕК да се игра на Кипар, но властите во оваа островска земја решија да не ја прифатат организацијата стравувајќи за безбедноста на граѓаните, но и навивачите на двата клуба.
Проблемите во грчкиот клупски фудбал траат со години наназад. На натпреварите во домашното првенство правдата ја делат судии од странство, а често пати на мечевите се случуваат тешки инциденти.
Според последната одлука на Националната асоцијација натпреварот треба да се игра на 24 мај во Волос, но доколку и овој град одбие да биде домаќин постои резервна варијанта дуелот меѓу ПАОК и АЕК да се игра во Елбасан иако се шпекулираше дека постои можност домаќин да биде и некој од градовите во Полска.
ФОТО: Игор Паневски