Марсело Биелса во следниве три години ќе седи на клупата на фудбалската репрезентација на Уругвај.
Шеесет и седум годишниот Аргентинец со националната федерација потпиша договор кој важи до крајот на Светското првенство што ќе се одржи во 2026 година и на кормилото на репрезентацијата ќе го наследи Диего Алонсо кој поднесе оставка откако Уругвај беше елиминиран во првата фаза од Светскиот куп во Катар.
Биелса по трет пат во кариерата ќе биде на чело на една репрезентација откако во периодот од 1998 до 2004 ја предводеше Аргентина, а потоа од 2007 до 2011 беше селектор на Чиле.
Легендарниот аргентински тренер по нешто повеќе од една година од заминувањето од Лидс успеа да најде нов ангажман.
Претходно тој работеше во Велез Сарсфилд, Еспањол, Атлетик Билбао, Олимпик Марсеј, Лацио и Лил.
Биелса на новата функција треба да дебитира веќе во текот на следниот месец кога Уругвај ќе одигра контролни натпревари со Никарагва и Куба.
ФОТО: Игор Паневски