Во натпревар од 30. коло во домашниот фудбалски шампионат Работнички ја совлада Брегалница и ја продолжи триумфалната низа.
Гостите од Штип одлично го отворија натпреварот и по 20 минути игра водеа со 2:0, а стрелци на головите беа Додев и Андонов.
Работнички успеа да направи пресврт и за само девет минути преку Рушевиќ, Мисердовски и Гандо стигна до предност од 3:2.
Мазари во 52. минута зголеми на 4:2, а Ѓорѓиев успеа да намали на 4:3. Рушевиќ со вториот погодок во 67. минута му носи водство на домаќинот од 5:3, а конечните 5:4 ги постави Николов во 75. минута од средбата.
ФОТО: Игор Паневски