Фудбалската репрезентација на Македонија вечерва од 20 часот и 45 минути на арената Тодор Проески ќе го одигра првиот натпревар од циклусот на квалификации за Европското првенство што ќе се одржи во 2024 година.
Дуелот против Малта е одлична можност со победа да се отвори патот кон нов настап на големите натпреварувања, но и да се прекине низата на лоши резултати во последниов период.
Репрезентацијата на Македонија на еден натпревар нема победа од 12 јуни минатата година кога во Скопје славевме со 2:0.
Од тој дуел во Лигата на нации следува серија од четири порази и само еден нерешен резултат. Единствениот натпревар на кој успеавме да играме нерешено е оној контролниот со Финска на 17 ноември во Скопје кога на крајот резултатот беше 1:1.
Во таа лоша серија имаме два порази во Лигата на нации од Грузија во Тбилиси и дома од Бугарија, а на крајот од годината исто така во контролен натпревар одигран во нашата престолнина совладани сме од Азербејџан со 3:1.
Македонија е фаворит на дуелот со Малта. Примарно огромната разлика е пред се во пласманот на ранг листата на ФИФА. Нашата селекција во моментов е на 65-тото место додека Малта е далеку зад нас на 167-та позиција.
Малтежаните во пресрет на овие квалификации одигра три контролни натпревари во кои има по една победа, еден пораз и нерешен резултат. Во септември минатата година совладан е Израел со 2:1, во ноември играше нерешено 2:2 со Грција и во последниот настап во 2023 година поразена е од Република Ирска со 1:0.
Мечот против Малта го играме на арената Тодор Проески и почнува во 20 часот и 45 минути.
ФОТО: Игор Паневски