За македонската фудбалска репрезентација вечерашниот дуел против Малта ќе биде вкупно седми во историјата.
Од вкупно шест средби против денешниот противник, Македонија има пет победи и само еден нерешен резултат, а Малта има постигнато само два гола.
Серијата соочувања со Малтежаните ја почнуваме пред скоро точни 27 години кога на 27 март 1996-тата со голот на Саша Ќириќ успеавме да славиме во контролен дуел.
Осум месеци подоцна на 27 ноември повторно играме контролен меч, но овој пат на теренот на противникот и во Ла Валета славиме со 2:0 со головите на Ванчо Мицевски и Ќириќ од пенал.
Во 1998-та во период од два месеци ги играме единствените два квалификациски дуели и тоа за настап на Европското првенство.
Во Скопје на шести септември славиме со 4:0, а стрелци на головите се Ристо Божинов и Артим Шаќири кои по два пати ја затресоа мрежата на противникот.
На 10 ноември 1998-та како гости забележуваме победа од 2:1, а погодоците беа дело на Игор Саша Николовски и Срѓан Захариевски.
И последните два меча се контролни. На 21 август 2002 во Скопје триумфираме со 5:0 и со головите на Ацо Стојков, Артим Шаќири (два), Ѓорѓи Христов и Горан Пандев.
Пред 23 години на 11 август 2010 во Ла Валета го играме единствениот натпревар во кој не бележиме победа. Резултатот беше 1:1, а единствениот погодок за Македонија го постигна Иван Тричковски.
ФОТО: Игор Паневски