Со вечерашниот дуел против Малта, фудбалската репрезентација на Македонија го отвора новиот циклус на квалификации за Европското првенство.
Фудбалерите се целосно фокусирани на првиот настап во кој влегуваме како фаворити и атакуваме на првите бодови.
“Очекувам добро да ги почнеме квалификациите. Сите сме свесни дека мора да одиграме најдобро што можеме бидејќи првите натпревари се многу важни, а воедно и многу тешки. Секогаш ќе одиме чекор по чекор. Прв предизвик во овие квалификации ни е селекцијата на Малта. Во моментов целосно сме фокусирани на овој дуел бидејќи во модерниот фудбал нема фаворити. Имаме респект кон секој противник, но тоа е само до почетокот на натпреварот. Потоа кога ќе излеземе на теренот, влегуваме со максимална сила. Играме дома, пред нашите навивачи тоа ни е голем мотив одиграме најдобро што можеме и да ги освоиме трите бода”, изјави Енис Барди.
ФОТО: Игор Паневски