Репрезентацијата на Малта е првиот противник на Македонија во новиот циклус на квалификации за пласман на Европското првенство.
Нашата селекција се наоѓа во исклучително тешка група и токму дуелот против Малта е одлична можност почетокот на квалификациите да го означиме со победа.
“Нема да кријам, посакуваме победа над Малта. Нема да биде лесно, групата е тешка, ги имаме Англија, Италија и Украина, па Малта е ривал по мерка за да го отвориме циклусот како што посакуваме. Сега сме конечно речиси комплетни, очекувам да изгледаме добро и на теренот. Би било навистина добро да отвориме со победа”, изјави капитенот Стефан Ристовски.
Ристовски е задоволен што конечно селекторот на располагање ги има сите фудбалери и дека Македонија мора да ја искористи шансата за победа бидејќи овој циклус го отвора на домашен терен.
“Овој противник за нас е по мерка да ги почнеме квалификациите со победа и тоа е најважно во моментов. Имаме квалитетни репрезентации, два фаворити дури за освојување на ЕП. Чекор по чекор одиме, да отвориме утре со три бода што ќе ни даде мотив за следните натпревари. Долго време не можевме да се собереме сите поради повреди поради што не бевме комплетни. Мило ми е што сега сите сме тука и се надевам дека низ квалификациите ќе бидеме здрави”, заврши Ристовски.
ФОТО: Игор Паневски