Пред почетокот на квалификациите за Европското првенство, Институтот за фудбалски истражувања од Швајцарија објави студија во која предмет на анализа беше просечната возраст на националните тимови.
Некогаш важеше за една од најперспективните генерации во светскиот фудбал со голем број на млади фудбалери кои сега веќе го достигнуваат зенитот, а резултатите останаа во втор план или готово и да ги нема. Репрезентацијата на Белгија со просек од 29,4 години е лидер на Стариот континент. Скоро половина од играчите се на возраст од преку 30 години, 33,8% се меѓу 26 и 29, а само 7,1% имаат под 21 година.
Втора со просек од 29,1 годна е нашиот втор противник во овој циклус на натпревари, селекцијата на Фарски Острови. Преку 29 години просек има и репрезентацијата на Казахстан која според возраста е на третото место.
Македонија е некаде на средината со просек од 27,1 година. Скоро половина од играчите се во полна зрелост, 46,1% се на возраст меѓу 26 и 29 години, четвртина веќе навлегла во четвртата деценија од животот, а 26% се меѓу 22 и 25 година.
Од репрезентациите кои се во самиот врв на европскиот фудбал на седмото место со просечна возраст од 28,4 години е Хрватска, а веднаш зад неа се Швајцарија (28,2 години) и Португалија (28.1)
Од нашата квалификациска група Малта е лидер со просечна возраст од 27,4 години на второто место е
Македонија, а зад нас е Италија со просек од 26,4 години, а следуваат Англија со 26,3 години и Украина со 26.1.
ФОТО: Игор Паневски