И покрај големите инвестиции во текот на последните два преодни рока, раководството на Челзи нема намера да сопре со вложувања во засилувања и во текот на летниот трансфер период.
Еден од приоритетите на сопственикот на клубот Тод Боел е ангажирањето на Виктор Осимен и веќе на Стемфорд бриџ се прави стратегија околу испраќањето на понуда до Наполи.
Првиот човек на Наполи, Аурелио де Лаурентис често пати потенцира дека Нигериецот не е на продажба, но доколку некој сака да го ангажира ќе мора да плати 100 милиони евра.
Очигледно дека Боели сепак не е расположен да ја плати бараната сума и се шпекулира дека тој се подготвува како дел од трансферот на Осимен да го понуди Кристијан Пулишиќ, кој одамна не е дел од плановите на менаџерот Грем Потер и летово ќе добие дозвола да ја смени средината.
Тренерот на Наполи, Лучијано Спалети ги почитува квалитетите на 24-годишниот Американец, но неговото евентуално ангажирање ќе биде голем товар за буџетот за плата бидејќи Пулишиќ неделно во Челзи инкасира сума од 150.000 фунти.
ФОТО: Игор Паневски