Само неколку дена по повлекувањето на Мухарем Бајрами, Македонија ЃП го именуваше новиот шеф на стручниот штаб кој ќе ја води екипата до крајот на сезоната.
Поранешниот тренер на Силекс и Вардар, Горан Симов ќе седи на клупата на тимот од Ѓорче Петров. Тој практично се враќа во клубот каде три години во периодот од 2005 до 2008 играше како голман, а во 2006 го освои и трофејот во Купот на Македонија.
Симов тренерската кариера ја почна во Силекс на чија клупа седеше од 2019 до 2021 година и со Кратовци успеа да го освои пехарот во Купот.
Потоа работеше и во Вардар и по заминувањето од редовите на “црвено-црните” беше без ангажман.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.