ЕСМ реагира на вчерашниот прилог на Телма, во кој се наведува колку повеќе ќе се плати за гас, со изборот на понудата од бугарската компанија Балкан Јутилитис
Во реакцијата ЕСМ пишува: Ако Макпетрол имале сознанија дека цената во јанаури ќе има тенденција на спуштање, требало да даде понуда со пониска фиксна цена, која ЕСМ Продажба ќе можеше да ја земе предвид за разгледување, заедно со другите, кои доставија фиксна цена.
Од Макпетрол, пак, уште пред Нова Година во соопштение, наведоа дека нивната понуда не била со фиксна цена, токму поради проценките дека гасот во следниот период ќе поевтини, и дека поради тоа цената на македонската фирма многу е веројатно да биде пониска од таа на бугарската компанија.
Во меѓувреме, гасот на берзите почна значително да поевтинува. Поради ваквиот пад, над еден милион евра со вклучен ДДВ, е разликата во цената која што ЕСМ ќе ја плати за набавка на гас на бугарската фирма „Балкан јутилитис“ откако ја прифати ниваната понуда со фиксна цена, а ја одби онаа на „Макептрол“ со променлива во зависност од движењата на берзата.
Пресметките покажуваат дека со вчерашната цена на берзата, понудата коja Макпетрол ја има доставено до ЕСМ е за 12,2 евра пониска од онаа на „Балкан јутилитис“. Со ова се поставува прашањето зошто ЕСМ фаворизираше понуда со фиксна цена, во услови на поевтинување на овој енергенс.