Благо намалување на цените на прехранбените производи има во супер маркетите, дециден е министерот за економија Крешник Бектеши. Ако е потребно порача дека ќе бидат преземени и други мерки во насока на намалување на цените на продуктите. Смета дека по инспекциските надзори трговците ја примиле пораката, за да ги коригираат цените на основните производи.
Мерката за замрзнување на маржите на основните прехранбени производи која истекува на крајот на месецов ќе биде продолжена до април идната година, до кога е прогласена и енергетската криза.
Колкаво ќе биде намалувањето на цените на производи за јануари дополнително Владата ќе информира, бидејќи во моментов се прават анализите со компаниите и стопанските комори.
Премиерот Ковачевски, пак денеска од пуштањето на делницата Крупиште-Кочани најави дека во првиот квартал од наредната година ќе има зголемување на минималната плата за работниците, која би изнесувала над 20.000 денари. Смета дека стопанството ова може да го издржи.
Викторија Димитрова Јованова