Македонската одбојкарска репрезентација го дозна распоредот на натпреварите за Европското првенство идната година, на кое сме еден од ко-домаќините заедно со Италија, Бугарија и Израел.
Одбојкарите во првото коло во рамки на групата Ц, која ќе се игра во Скопје, ќе ги одмерат силите со селекцијата на Данска на 31 август. Потоа на втори и трети септември играме против Црна Гора, односно Полска. По еден ден пауза ни следуваат последните два натпревари во групата, на 5.септември ќе ги одмериме силите со фаворитот Холандија и завршуваме против Чешка на 6.септември.
Групата А се игра во Италија, каде се наоѓа домашната селекција, потоа Белгија, Германија, Естонија, Швајцарија и Србија.
Бугарија е домаќин на групата Б, а таму покрај оваа репрезентација ќе играат и Шпанија, Словенија, Украина, Финска и Хрватска. Во групата Д, покрај домаќинот Израел се натпреваруваат Грција, Турција, Франција, Романија и Португалија.
