На Светското првенство во Катар денеска ќе бидат познати уште две осминафинални двојки.
Всушност бранителот на трофејот Франција ќе го добие противникот за првото коло во елиминациската рунда откако Триколорите на две кола веќе беа сигурни за следната фаза.
Репрезентацијата на Аргентина против Полска го игра клучниот дуел за влез меѓу првите две во групата. На Гаучосите им е потребна победа бидејќи со евентуален нерешен резултат судбината нема да зависи само од нив туку и од епилогот на мечот Мексико – Саудиска Арабија.
Директен дуел за пласман во следната фаза ќе играат и Австралија и Данска.
Данците во овој меч влегуваат со само еден бод, два помалку од Австралија и за второто место им е потребен триумф додека на противникот за продолжување на настапот доволен му е и бод.
ФОТО: Игор Паневски