Претставата на Драмски театар „ My name is Goran Stefanovski“, работена како омаж на творештвото на нашиот и светски докажан драматичар , во режија на Бранислав Миќуновиќ, освои два награди на театаскиот фестивал „ Театарот на крстопат“, што се одржува во Ниш. Претставата е прогласена за најдобра од жирито на Тркалезната маса на критиката, а наградата за режија доаѓа од стручното жири на фестивалот. Наградите ќе бидат врачени вечерва , во рамките на свеченото затворање на фестивалот.
Претставата „My name is Goran Stefanovski“, беше работена како компилација од 7 непоставени текстови од Стефановски во Драмски. Tаа до сега гостуваше на „Стеријно позорје“ во Нови Сад , беше изведена во Подгорица во рамките на фестивалот „ Рута “, а беше и во натпреварувачката програма на годинашниот МТФ „ Војдан Чернодрински“.