Денеска со почеток од 19 часот во Нови Сад, премиерно ќе биде изведен просторно изведувачкиот проект – „Штампање заеднички простор“. Реализацијата доаѓа по едногодишно заедничко истражување на модернистички згради во три различни градови – Скопје, Нови Сад и Риека, заедно со студентите од Факултетот за драмски уметности – Скопје, Архитектонски факултет – Скопје, Отсекот за уметност и дизајн на техничкиот факултет во Нови Сад и академијата за применета уметност од Риека, во партнерство со Факултет за работи што не се учат – Скопје.
Проектот е дел од COLLAB, програмска линија на Биеналето на сценски дизајн, во чии рамки се продуцираат нови содржини, во соработка со други колективи и институции. Годинашново Биенале за сценски дизајн е дел од „Калеидоскопот на културата“ и годишната програма на Нови Сад – Европска престолнина на културата.
Авторскиот концепт на проектот „Штампање заеднички простор“ е развиен од страна на Филип Јовановски (визуелен уметник), Сашка Пештерац (архитектка, Нови Сад), Лара Бадурина (визуелна уметница, Риека) и Луна Шаломон (дизајнерка на простор, изведувачка, Нови Сад).
Првата премиерна изведба на проектот „ Штампање заеднички простор“ , беше одржана вчера вечер.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.