Овие вредни раце на членовите на Детското ликовно студио „ Св. Кирил и Методиј“, од Битола денеска сликаа во Паркот на новинарите, спроти зградата на МОН. Но , не се работи за креативен, туку за чин на протест. А, причина е запирањето на финансиите од страна на МОН на Детското ликовно студио кое 4 децении ја организира Меѓународната детска ликовна колонија „ Мал битолски Монмартр“- наш бренд препознаен од светот и од UNESCO.Прекинот на финансиите за плата на секретарот и за сметки за струја и телефон е од средината на јули и од тогаш трезорската сметка на ЛС е блокирана, па ни времената помош од Општина Битола не можат да ја добијат. Како што им било кажано од министерот за образование Шаќири повеќе нема да бидат финансирани зашто е противзаконски МОН да подржува здружение на граѓани.
- Тоа се некои измени во законот кои што спречуваат државата т.е. министерството да финансира здружение на граѓани, а биле донесени 2009- 2015 година. Не ги најдовме. При тоа имаме една конфузна ситуација. Едно министерство не нејќе, друго не сака парцијално, вели Славчо Неделковски- претседател на Управен одбор на Детско ликовно студио „ Св. Кирил и Методиј“
Откако од ЛС јавно реагираа за проблемот, од Министерството за култура рекоа дека ќе го подржат „ Мал битолски Монмартр“. Но, од Студиото ја одбија понудената помош, со образложение дека е крадење на брендот.
- Т.е. предавање на брендот на Центарот за култура од Битола, што значи ќе станеше под државна капа. Ние никогаш немаше да имаме авторски права за нештото. Како студио ние решивме дека тоа не е решение, смета Неделковски.
Министерот за образование на денешната прес конференција во Влада кажа дека финансирањето на ДЛС од Битола не е запрено и дека согласно законските измени ако има можности тоа ќе продолжи. Додека не се разјасни финансиската ситуација од ДЛС продолжуваат со собирање донации.
Сотир Трајков