Во Битола се е подготвено за вечерашното отворање на 43 издание на фестивалот Браќа Манаки, кое се одржува под мотото Реалноста не е доволна. Златната камера 300 за животен опус ќе му биде доделена на британско-данскиот кинематографер Ентони Дод Ментл, кој веќе пристигна во Битола.
-Ентони Дод Ментал, добитник на главната награда, е првиот кинематографер награден со Оскар кој што снимал со дигитална технологија , англискиот филм Милионерот од предградијата. Тој е во таа прогресивна пионерка традиција, рече директорот на ИФФК Браќа Манаки, Симеон Мони Дамевски.
По свечената церемонија, следува проекција на францускиот филм Мајка и син на режисерот Леонор Сераије кој беше награден на Канскиот фестивал. Во официјалната конкуренција ќе бидат прикажани вкупно 14 филмови. .
-Тоа се 14 феноменални филмови, кои што освоија многу награди, но и со силен авторски печат и особено со висока визуелна естиетика, што е еден од главнте критерими во официјалната програма. Ние го славиме филмот, изјави Салаѓан Пенев, селектор на фестивалот ИФФК Браќа Манаки Битола.
На фестивалот Браќа Манаки премиера ќе има македонскиот филм „Снежана на крајот умира“ на Кристијан Ристевски. Вториот македонски филм е „Мими”, во режија на Даријан Пејовски Паралелно со филмската програма во Центарот за култура и во киното „Манаки“, во дворот на на Офицерскиот дом ќе има ревијални проекции на македонски филмови . Во оф програмата ќе е има и изложби, настапи на музичари и настани кои ја презентираат битолската традиција.
Емилија Мисирлиевски