Оваа година, ова лето почнува 11-то издание на „Струмица опен фестивал“. Фестивалот ќе трае до 19 август со вкупно 20 настани на повеќе отворени сцени во градот.
Според организаторот, Здружението на граѓани „Културен забавен живот“, ова е наголемата забавна манифестација во регионот. Тие најавуваат спектакуларно издание и ги повикуваат сите да да дојдат и да раскажат уште една приказна под отворено небо.
За незаборавната забава ќе придонесат звуците од македонски шлагери во изведба на Љубомир Митровски, Денис Кирчанов, Боби Ѓошиќ, Игор и Даме
Програмата е поделена во три дела.
-Во првиот, покрај музика планирани се филмските проекции на добитниците на Оскари и меѓународни награди-македонските играни филмови „Налепница“, „Баскет“, „Стела“ и „Сестри“. Со стиховите афоризми исполнети со сатира и смеа со Ацо Ѓоргиев и Ристо Филчевски Струмица, Јане Атанасов, Ружа Стојмилова и Ленче Стојменова од Кочани, како и Марија Ранѓеловиќ Белград од Србија. Стихови на поезија за душа со Вања Изова Велева од Струмица и Стефан Марковски од Гевгелија. И во ритамот на традицијата -концерт на фолклорна низа за сите љубители на танцот, македонската традиција и култура, информираат од „Културен забавен живот“.
Вториот дел е посветен на спортот и спортските активности, а во последниот дел ќе настапат повеќе македонски музички ѕвезди, потоа завршниот концерт од Летната школа за гитара под менторство на Васко Пиличев, како и вечер посветена на музичката легенда, Гоце Арнаудов.
Фестивалот финансиски е поддржан од Општина Струмица и Министерството за култура.