Дел од осомничените во истрагата „Империја“ бараат спогодба. Обвинителката која го води случајот, Лиле Стефанова, не открива кои се точно бизнисмените кои не сакаат судење, но уверува дека и во овој предмет очекува да се конфискува имот кој е со поголема вредност, дури и од оној на „Плацеви на Водно“ а кој е стекнат на криминален начин.
Потврди и дека истрагата била проширена, но и дека има и нови и издржани докази.
Сега веќе „Империја“ е на крај и се очекува одлука на обвинителката до крајот на Мај.
Во неа се осомничени Камчев и Мијалков и уште 11-мина а во меѓувреме Телма веќе објави и дека истрагата е проширена и на други бизнисмени, поврзани стечајот на МПМ.
Денеска Кривичен објави дека дел од имотот кој е опфатен со истрагата а тоа е Хотелот „Мериот“ и станови, остануваат замрзнати.
32 милиони евра вреди конфискуваниот имот на Сашо Мијалков.