Македонската женска ракометна репрезентација од денеска ги почна подготовките за завршните два натпревари во ЕХФ Купот, а противник ни е селекцијата на Норвешка.
По повеќе од една деценија во Скопје гостува најтрофејната женска ракометна селекција, а дуелот со Норвежанките ќе биде уште одлична можност за подмладената македонска репрезентација што е можно подобро да се подготви за настап на претстојниот Европски шампионат што ќе се одржи во нашата земја.
Првиот меч составот предводен од селекторот Љубомир Савевски ќе го одигра в четврток во Скопје, а почетокот е закажан за 19 часот и 30 минути.
ФОТО: Игор Паневски