Македонија ќе шестти пат по ред ќе игра на Светско првенство во ракомет, и вкупно осми пат во нашата историја, откако вечерва ракометарите ја совладаа Чешка со 27-25 во реванш баражот во СЦ „Борис Трајковски“ во Скопје.
Одличната серија на ракометарската репрезентација која трае од 2013 вечерва продолжи со драматична завршница во Скопје, во која Филип Кузмановски со гол од седум метри го завери билетот за осмиот мундијал во историјата на македонскиот ракомет.
Токму Кузмановски беше најефикасен со девет гола, Филип Талески постигна шест, а одличен меч одигра и Томислав Јагуриновски истакнувајќи се во клучни моменти со три гола, колку што постигна и Жарко Пешевски.
На голот одличен беше Никола Митревски, кој со 14 одбрани ја одржуваше предноста на репрезентацијата, особено во периодот од 4 минути во второто полувреме во кое не можевме да постигнеме гол.
Филип Миркуловски, кој вечерва го одигра последниот меч во македонскиот дрес, од репрезентацијата се прости со два гола, колку што постигна и селекторот Лазаров.
Јакуб Хрстка и Томас Пирох кај Чешка беа најефикасни со по пет гола, а стандардниот Томас Мрква имаше 13 интервенции, што сепак на крајот не беа доволни за пласман на СП во Полска и Шведска идната година.