Србија ја крена рампата за Македонија. Утре од таму ќе бидат испорачани два милиони литри зејтин, кој според министерот Николовски ќе бидат доволни за да се покријат потребите за околу еден месец. Но, доколку има потреба ќе бидат договорени и нови количини.
Стоковите резерви за сега немало потреба да се активираат. Храна имало доволно. Но, во меѓувреме ќе се работи на зголемување на домашното производство. Преку оглас кој ќе биде објавен во понеделник ќе се далат субвенции за производство на житни култури.
Вчера од Министертвото за економија посочија дека изминатиот период продажбата на зејтин е за три пати зголемена. Имало граѓани кои купувале цели пакети, поради што рафтовите во маркетите останале празни. Властите дадоа препорака, секој трговец поединечно да одлучи, колку шишиња зејтин максимално ќе може да купи едне купувач. Ако препораката не се почитува, следната недела владата на седница ќе донесе одлука со која ќе ги ограничи количините.
Ирена Чачкова
