Македонската машка ракометна репрезентација на гостувањето во Чешка играше без победник 24:24, но избраниците на селекторот Кирил Лазаров пропуштија шанса за убедлив триумф и мирен реванш в недела во Скопје.
Во првиот меч од баражот за Светското првенство нашите ракометари во најголемиот дел од мечот имаат предност, целосна контрола врз играта и резултатот, но во завршницата на противникот му дозволија серија погодоци по кои успеа да се спаси од убедлив пораз.
Македонија одлично го отвори натпреварот и поведе со 5:1, токму оваа серија ни овозможи во првото полувреме да имаме константна предност која овој сегмент не беше поголема од тие четири погодоци, а на одмор се замина со водство од 13:10.
Одлично беше и отворањето и на продолжението од средбата. Направивме серија од 4:0 за предност од седум гола за водство од 17:10.
Чесите се обидуваа да ја намалат разлика, но до самата завршница не успеаа да стигнат до помала негатива од четири погодоци и во самиот финиш со четири последователни гола успеаа да стигнат со израмнување кое беше и единствено во текот на сите 60 минути и конечните 24:24.
Најефикасен во нашата репрезентација беше Филип Талески со пет погодоци, Лазаров и Георгиевски постигнаа по четири, а три пати прецизни беа Стојанче Стоилов и Филип Кузмановски.
На голот бранеше Никола Митревски кој имаше вкупно 11 интервенции.