Лебот најверојатно ќе остане со иста цена, од 25 денари, најави и министерот за економија Крешник Бектеши. Во интервју за Телма, Бектеши вели дека владата има информација и потврда од големите маркети дека ќе има намалување на маржата на лебот која сега е наведена. Но точната цена ќе ја кажат во текот на утрешниот ден.
На денешните преговори со трговците Бектеши најави дека маржите ќе се намалуваат и ревидираат одредени производи. Иако не откриваат за колку, Бектеши вели дека ќе се намалат и претходно утврдените маржи од 5% на големо и 10% на мало.
За да се ублажи ценовниот шок за граѓаните, Телма дознава дека Владата го разгледува предлогот да ги намали и акцизата на горивата за што е потребна и законска измена.
Со министерот Бектеши во вестите во 15.30 разговараше Тамара Грнчароска
